Mərdəkanda bir ailə tək anadan və onun azyaşlı qızından ibarətdir. Ana əlildir, yataqdadır. Qızı anasına baxır, məktəbə getmir.
Qismət olsa, şənbə günü (17.12.2011) ailəni ziyarətə getmək istəyirik. Çox güman ki, sırf ərzaq yardımı olacaq. Ailə dövlətdən heç bir təqaüd filan almır, əsası, elə bu məsələ ilə bağlı maraqlanmağa gedirik.
Amma ərzaqla bağlı, kimin nə yardımı olsa, buyura bilər. İstəyən bizimlə gedə də bilər.
Qismət olsa, şənbə günü (17.12.2011) ailəni ziyarətə getmək istəyirik. Çox güman ki, sırf ərzaq yardımı olacaq. Ailə dövlətdən heç bir təqaüd filan almır, əsası, elə bu məsələ ilə bağlı maraqlanmağa gedirik.
Amma ərzaqla bağlı, kimin nə yardımı olsa, buyura bilər. İstəyən bizimlə gedə də bilər.
Ziyarətimiz baş tutdu və əldə edilən məlumatları bölüşmək vaxtıdır artıq.
Ailə bir ana və bir 17 yaşlı qızdan ibarətdir.
Ana yataq xəstəsidir, uşaqlıqdan güclü rematizması (sözü səhv yazmış ola bilərəm, sorry..) var imiş, 3 il əvvəldən artıq remartrit adlanan xəstəliyə çevrilib, qadının təkcə əl barmaqlarına baxmaq kifayət idi. Sonradan bildim ki, sən demə, rematizmanın sonu belə sümük əyriliklərinə gətirirmiş.
Yalnız qonşuların verdiyi ilə dolanırlar, ana əmək qabiliyyətini itirib, qız da 4-cü sinifdən çıxıb məktəbdən, heç harda işləmir, anasına baxır.
Ata içki düşkünü olubmuş, övlad balaca ikən ayrılıblar, heç ZAQS-ları olmayıbmış əvvəldən. Qaldıqları ev ananın atasından qalıb.
İki bacısı var, birir Rusiyada, digəri Zirədə yaşayırmış, o da kasıbçılıqla.
Dövlətdən təqaüd filan almırlar, sənəd arxasınca gedəcək bir adamları yox imiş. Qismət olsa, təqaüd üçün sənəd məsələsini advocatın köməkliyi ilə həll etməyə çalışacağıq.
Ailə ilə əlaqə saxlamağımızda yaxından iştirakı olan Mərdəkan sakinlərindən də Allah razı olsun. Elə əl köməyi də edəcəklər, inanıram.
Allah əl və pul yetirən hər kəsə min qat əvəzini versin, Amin!
Redaktə edildi: 20.12.2011
Bu gün Mərdəkan qəsəbəsində "26"lar adı ilə tanınan xəstəxananın həkimi Elmira Eminova ilə görüşdə qadının xəstəxanada yatmasının zəruri olduğu məlum oldu.
Odur ki, bununla bağlı göndəriş aldıq, İnşAllah, bu günlərdə xanımın xəstəxanaya yerləşməsinə çalışacağıq.
Redaktə edildi: 22.12.2011
Bu gün, nəhayət, xanımı xəstəxanaya yerləşdirdik.
(Şəkillərin bəziləri mobil telefonla çəkilib.)
Xəstəxananın şöbə müdiri Səadət xanım da bizi çox yaxşı qarşıladı, sağ olsun. Yetərincə mehriban insan imiş. Xəstəxanada yeməyin və dərman preparatlarının ödənişsiz olduğunu bildirdi, nə problem olsa, şəxsən özü ilə əlaqə saxlamağımız üçün əlaqə nömrəsi də verdi.
Xanımın tək qızı da özü ilə xəstəxanada qalacaq və anasına lazımi qulluğu göstərəcək, daim yanında olacaq. Allah köməyimiz olsun!
Allah bütün zərrə qədər belə, köməklik göstərən hər kəsə min qat əvəzini versin! Amin!
Şərhlər