Artıq xeyli müddətdir internetdə Xanım nənə barədə məlumatlar paylaşılırdı.
Biz də bir gün Xanım nənəni görməyə getdik. Nənə elə təsvir olunduğu kimi, əsl xanım-xatın nənədir.
İlk zəng edəndə "salam ay nənə, necəsən?" dedim, o da "çox sağ olun, qızım, siz necəsiz?" - dedi. SƏN-lə müraciət etdiyimə özüm özümdən utandım...
Bir az ərzaq aparmışdıq, nənə dedi ki, bu mənə hələ xeyli müddət bəsdir, daha ərzaq gətirməyin. Evində soyuducu da yoxdur, soruşduq nə istəyir ürəyin, dediklərinin hamısı aldıqlarımız arasında var idi (çünki istədiyi elə gündəlik istifadə üçün adi ərzaqlar idi, biz də elə almışdıq. Yəni qeyr-adi heç nə istəmirdi). Bircə təzyiqölçəni yox imiş, onu da sağ olsun, bir xanım bizə əvvəlcədən demişdi, almışdıq. Ərzaqdan çox buna sevindi nənə, çünki təzyiqini daim nəzarətdə saxlamaq lazımdır.
Əlavə 1-2 şey istədi (geyim və dərman baxımından), onu da istədi demək olmazdı, nənə əməlli-başlı utanır, az qalır güclə boynuna qoyaq ki "yoxe, bilirik geyimin yoxdur, nə istəyirsən gətirək sənə?"..
Nənənin ən çox istədiyi odur ki daim ona zəng edək, deyir gəlib-gedən olduqca ürəyim açılır bir az. Bir də istəyi odur ki, tezliklə qocalar evinə yerləşdirilə bilsin.
Allah hamıya kömək olsun. Nənə kövrəkdir, danışdıqca, biz də kövrəlməyimizi gizlədib,nənənin başını qatmağa çalışdıq ki, ağlamasın. AMma axırı yenə zəng edib ağlatdı bizi də, özü də ağladı ..
Nənənin əsas istəyi qocalar evinə düzəlməkdir, çünki aldığı 136 AZN təqaüdün 120 AZN-ini kirayə verir. Hələlik çalışıb nənəni ərzaq baxımından təmin edək. Qocalar evi məsələsini də həll etməyə çalışacağıq, Allahın iznilə..
Redaktə edildi: 06.07.2013
Bu gün daha iki qrup üzvümüz nənəmizi ziyarətə getdi. Bu dəfə nənə üçün bir az meyvə almışdıq. Əsas məqsəd nənəyə qarşı diqqətli olmaq idi, belə ki, nənənin maddi yardımdan çox, diqqətə ehtiyacı var..
Redaktə edildi: 26.07.2013
Bu dəfə nənəni ziyarət üçün yeni qrup üzvlərimizdən də gedənlər oldu. Nənəyə arzaq, dərman aparmışdıq, çox həssas nənədir, hər dəfə nədə edəndə sevindiyindən ağlayır.. və hər dəfə sağollaşanda yolumuzu gözləyəcəyini deyir.
Şərhlər