Sən Də Qoşul!

1 ehtiyacı yox etmək üçün 1 olaq! aksiyamız çərçivəsində ikinci ailəyə ziyarətimiz ərzaq və kiçik qızlarımız üçün çəkmələrdən ibarət oldu.
Çəkmələri çox müsbət enerjili bir xanım qalmışdı, Allah razı olsun, həm yardımına, həm müsbət enerjisinə görə!
Uşaqlar çəkmələri görüb çox sevindilər. Anaları da qeyd etdi ki, bir neçə gün əvvəl uşaq yolda başqa uşağın ayağında bu çəkmədən (qotazlı, ağ və tüklü) görüb anasına deyibmiş ki, mən də bundan istəyirəm.. Təki Allah bütün xeyirli arzularına çatdırsın, İnşAllah!
Bu ailəyə yardımımızın davamı olacaq, İnşAllah!
Bu dəfəki ziyarətdə uşaqlar (3, 4, 5 yaşlarında 3 oğlan və 7, 8 yaşlarında 2 qız) üçün papaq, şarf və əlcəklərə ehtiyac var, bunu da nəzərə almağa çalışacağıq. Əgər kimdəsə istifadəsiz, yararlı vəziyyətdə varsa, əsirgəməz, İnşAllah. Ziyarəti yaxın günlərdə həyata keçirməyi planlaşdırırıq, Allahın köməkliyi və mərhəmətli insanların vasitəçiliyi ilə.
Allah zərrə qədər olsa belə əl tutan hər kəsdən razı olsun!
Aksiya davam edir..



Redaktə edildi: 30.12.2012

10 gün əvvəl ailənin övladları üçün lazım olan papaq, şarf, əlcəklər, bu gün isə ailənin bir oğlu üçün də çəkmə ailəyə çatdırıldı.
Növbəti ehtiyac ailənin 4 yaşlı övladı üçün qışlıq gödəkcə (kurtka və ya palto) və mümkün olsa, tozsoran olacaq, İnşAllah.
Əgər kimdəsə işlənmiş, lakin yararlı vəziyyətdə olan tozsoran olarsa, əsirgəməsin, İnşAllah!
Bundan başqa, ayın 7-si ailənin yaşadığı evin kirayə haqqı üçün 220 AZN ödənməlidir, ailə məbləği çatdıra bilmədiyini dedi və imkanı olan kəslərdən bununla bağlı kömək etmələrini xahiş etdi.

Redaktə edildi: 12.01.2013

Ayın əvvəli tozsoran və kirayə haqqı üçün yığılmış 110 AZN ailəyə çatdırıldı.
Ailənin xanımı bol-bol xeyir-dualarını çatdırdı. Əl tutan hər kəsə ayrılıqda dua etdi.
Allah qəbul eləsin!