Deyilənlərin nə qədər həqiqət olduğunun araşdırmaq üçün Qaynar.info Milli Xəbər Portalının baş redaktoru, "Gənc Liderler" UGT-nin sədri Fərid Şahbazlı qeyri-rəsmi formada, siravı vətəndaş qismində həmin internatın təmir səbəbindən müvəqqəti olaraq yerləşdiyi 3 saylı Uşaq evində olub. Bu barədə məlumat verən F.Şahbazlının sözlərinə görə, gördükləri onu şoka salıb: " Həm internatın özündə, həm də 3 saylı uşaq evində müəllimlər və dayələr hətta kənardan gələn insanların da gözləri önündə uşaqlarla kobud davranmağa davam edirlər. Onsuzda xəstəlikdən bu dünyada olmazın əzabını çəkən uşaqların oradakı durumu inanılmaz dərəcədə acınacaqlıdır. Təsəvvür edin, yataqda uzanan, hərəkət imkanları məhdud olan uşaqların üstünə antisanitariyadan milçəklər qonur, ağızlarına girir. Uşaqların yemək qabları, yataqları günlərlə, həftələrlə yuyulmur, üfunət iyindən müəssisəyə girmək mümkün deyil. Bizdə olan məlumata görə, elə baxımsızlıq üzündən internatda tez-tez uşaqlar vəfat edir. Oradakı vəziyyəti əks etdirən fotoları da təqdim edirik".
Qaynar.info-nun baş redaktoru Fərid Şahbazlı 7 saylı internatda baş verənlərlə bağlı həyəcan təbili çalır, müvafiq dövlət qurumlarını, QHT-ləri və media qurumlarını bu müəssisəni diqqətdə saxlamağa çağırır: "Dövlətimizin, Heydər Əliyev Fondunun rəhbəri Mehriban xanım Əliyevanın uşaqlara, uşaq internatlarına bu qədər diqqət göstərdiyi bir zamanda kimlərinsə bu işlərə kölgə salmağa cəhd etməsi, gələcəyimiz sayılan uşaqların taleyi ilə oynaması yolverilməzdir".
Şərhlər