Ailə bir ana və 3 kiçik oğuldan ibarətdir. Bu 3 oğuldan başqa ananın 2 qızı da var, onlar artıq ailəlidirlər.
3 oğulun ikisi 2-ci, biri isə 5-ci sinifdə oxuyur. Ata başqası ilə ailə qurub gedib..
Ana xadimə işləyir.
İlk yardım olaraq, ərzaq aparmışdıq (28.01.2013)
Səhəri gün xanımla danışanda borclarının olduğunu dedi. Borclardan biri də işıqğulu ilə bağlı olduğundan, bu ayın ortaları işığın kəsiləcəyini dedi və kömək istədi. Sorğu-sualımızdan belə məlum oldu ki, əgər ailənin borcları olmasa, özləri özlərini dolandıra bilərlər. Elə buna görə də, borclarına bacardığımız qədər köməklik etməyə çalışacağımızı bildirdik.. Hər şey də bununla başladı...
Ailənin ümumilikdə 640 AZN borcu var imiş. Biz bacardığımızı edək qərarına gələnə kimi, bir nəfər ailənin bu borclarını boynuna götürdü. Və 650 AZN-i bizə çatdırdı.
İndisə görülən işlər barədə:
03.02.2013
Hər 3 uşaq üçün məktəb ləvazimatları - dəftər, qələm, karandaş, iş dəftərləri, qiymətləndirmə testləri. Xanımın maaşının gecikməsi ilə əlaqədar olaraq, ərzaq üçün 50 AZN nəğd pul.
Həmin gün uşaqların bir az soyuqdəymələri olduğundan, dərman üçün bir nəfər maddi yardım etdi.
04.02.2013
Uşaqların 2-ci sinifdə oxuyan ikisi üçün qalın kurtka və corab ailəyə çatdırıldı.
05.02.2013
Qonşuya olan 200 AZN borc və ev çox kiçik (2x3 ölçüdə) olduğundan və (Evin damı olmadığına görə qışın buz havası, yayın qızmar istisi bütünlükdə evin içindədir, istidə nəfəs almaq olmur, xanım kreditə kondensioner götürüb) kredit üçün dekabr, yanvar və fevral ayının ödənişi 131 AZN.
Həmin günün axşamı uşaqların vəziyyətini öyrənmək üçün xanımla əlaqə saxladıq. Ana bizimlə ağlaya-ağlaya danışdı. Xanım vəziyyətin çox pis olduğunu dedi. Ailədəki hər 3 uşaq və ana özü xəstələnib, üstəlik qaz sayğacları olmadığından qazlarını da həmin gün kəsiblər.. Anadan dərmanlardan içmisinizmi soruşanda belə cavab aldıq: yox, özüm heç, əsas uşaqlar içsin, mən içsəm, uşaqlara qalmayacaq.. Elə gecə ikən daha bir neçə dərman alıb göndərdik.
06.02.2013
Qaz verilməsini təmin etmək üçün AzəriQaza müraciət etdik, ailənin ötən aylardan yığılan borcu və sayğacın quraşdırılması üçün lazımi əməliyyatlar edildi, ümumilikdə 161.20 AZN üdəniş edildi.
Həmin gün sayğacın quraşdırılacağını söz verən idarə əməkdaşları 20:00-a kimi "Bu gün düzələcək" - desələr də, hələ səhəri gün də (07.02.2013) bizə "bu gün qaynaqçı yoxdur, sabah (yəni 08.02.2013-də) düzələcək" - cavabı verdilər.
Ailə üçün qışlıq qalın geyim bazarlığı edildi və həmin gün ailəyə çatdırıldı. Xüsusi olaraq geyim üçün bir nəfər maddi yardım etdi.
Meyvə-tərəvəz alındı.
07.02.2013
Təbii ki, iş sabaha qalmadı, əməkdaşlarımızın səyi nəticəsində sayğacın düzəlməsi sabah yox, məhz həmin gün başa çatdı və aiə qazla təmin olundu. Sayğacda borc 0.00 AZN :-) Karta da 20 AZN məbləğ yatırılıb ailləyə təqdim olundu.
Həmin gün ailəyə həkim də gətirildi, həkim alınan dərmanların düzgün olduğunu dedi, uşaqlara elə həmin dərmanları içməyi məsləhət gördü, ananın isə vəziyyətinin nisbətən ağır olduğunu dedi, ayrıca dərmanlar və iynələr yazdı. Həmin gün axşam xanımla danışanda xeyli yüngülləşdiyini qeyd etdi, evlərinin də artıq isti olduğunu dedi, çox şükür! Xanım danışarkən xeyli kövrəlmişdi, o ki var əl tutanlara dua edir hər dəfə.
08.02.2013
Bu dəfə xanım bizi ayaq üstə qarşıladı.
Ailə üçün bir az ərzaq bazarlığı və buz kimi soyuq çəkən divara vurmağa xalça, xanım üçün yazılan dərmanların qalanlarını apardıq, xalçanı da divara vurub gəldik.
Bu günlər ərzində ümumilikdə dərmanlara 55.65 AZN, geyimə 68 AZN, Ərzaq, meyvə-tərəvəzə 56.06 AZN pul verilib.
09.02.2012
Bu gün ailənin işıqpuluna olan 222 AZN borcundan hələlik 20 AZN ödnildi ki, işığı kəsməsinlər, imkan olduqca hər ay hissə-hissə öəməyə çalışacağıq.
Ailəyə lazım olan bəzi ev əşyalarının olduğu göz qabağında idi.
Tozsoran, yataq dəsti (var), paltar üçün şkaf (var), yerə salmaq üçün xalça (var), nəm döşəməyə salmaq üçün palaz (var) və lineliyum, qalın pərdə, karniz, əlüzyuyan, sokçəkən maşın (var), divara vurmaq üçün kiçik xalça.
Artıq yığılmış olanların yanında (var) yazılıb. Qalanları isə hazırda yoxumuzdur. Kimdə varsa, əsirgəməz İnşAllah!
Olan əşyalar, İnşAllah, sabah ailəyə çatdırılacaq. Qalanları da yığıldıqca, İnşAllah!
Redaktə edildi: 11.02.2013
Yataq dəsti, yerəsalmaq üçün xalça, nəm döşəməyə salmaq üçün palaz, sokçəkən maşın, xanım üçün palto ailəyə çatdırıldı. Əl uzadan insanlar o qədər ürəkdən yanaşırlar ki işə, hələ əlavə, elanda olmayan - meyvələrlə dolu bir sumka və bir banka bal da veriblər, uşaqların qanazlığına görə. Allah razı olsun hər birindən!!!
Ailəyə çatdırmağımız üçün əlavə pul da verənlər oldu, odur ki elə bu dəfəki ziyarətimizdə xanımın növbəti maaşına kimi bəs edəcək məbləğ - 50 AZN ailəyə çatdırıldı.
Əlimizdə olan əşyalar ailəyə çatdırıldı, qalanlar da yığıldıqca, çatdıracağıq, İnşAllah!
Redaktə edildi: 12.02.2013
Xanım bu gün xəstəliyi ilə əlaqədar açılan bülletenini bağladıb, İnşAllah sabahdan işə çıxacaq. Müalicəsi 10 günlük idi, bu müalicədən sonra əlavə sistemlər də vurulmalıdır, orqanizmin möhkəmlənməsi üçün. Allahın köməkliyi ilə müalicəsi bitənə kimi sistemin iynələrini də alıb göndərəcəyik. İnşAllah!
P.S. Ailə üçün lazım olan ev əşyaları:
nəm döşəməyə salmaq üçün lineliyum, qalın pərdə, karniz, əlüzyuyan, divara vurmaq üçün kiçik xalça.
Şərhlər